🧹
我哋上年聯同Manulife，分別去到清水灣海岸以及相思灣舉行咗兩場清潔活動，合共超過100名義工參與咗今次清潔。喺義工嘅努力下，我哋一共喺2個地方一共清潔咗超過300公斤嘅垃圾！
今次我哋清潔嘅清水灣海岸以及相思灣，有唔少地方都係石灘，而大量嘅垃圾都係堆積喺石與石之間，清潔難度都唔算係簡單，而我哋清潔嘅垃圾入面，有唔少都係膠袋，仲要有部分膠袋仲係俾沙掩蓋，需要義工用手挖出嚟
用一個膠袋好簡單，但係當佢成為一件垃圾嘅時候，去處理佢就好困難，所以我哋希望大家喺日常生活中可以盡量用少啲膠袋，一人用少一個，未來成為垃圾嘅膠袋就會少一個！
企業作為社會嘅持份者之一，佢嘅行為可以影響到好多人，而企業社會責任對於企業嚟講都好重要！一間企業不應該淨係關心利潤，同時亦都要「取之社會、用之社會」，對社會、環境的永續發展有所貢獻。希望我哋未來可以同更多嘅企業合作，一齊為環境出一分力，同埋將保護環境嘅觀念帶俾更多人！再次感謝Manulife嘅鼎力支持同埋各位義工嘅參與！
#greenhopehk #綠色希望 #山野清潔 #義工 #清道夫 #環保 #週末活動 #環保義工 #山野無痕 #山徑垃圾 #野外 #環保教育 #自己垃圾自己帶走 #淨山 #執垃圾 #西貢 #清水灣 #淺水灣
Comentários