我哋綠色希望喺上個月嘅13號聯同20名FTLife富通保險義工去到沙田小瀝源進行咗一次山野清潔活動。今次活動我哋兵分兩路，分別喺梅花古道同埋老鼠田一共清理咗44.5公斤嘅垃圾。再次多謝咁多位義工參與活動，為山野清潔出一份力！
喺清理垃圾嘅過程中，我哋發現咗一個垃圾堆積情況十分嚴重嘅黑點，個到嘅情況可以算得上一個小型堆填區，入面嘅垃圾種類可以話係包羅萬有。除咗膠袋、膠樽等生活垃圾之外，我哋仲喺個到發現咗唔少來自建築地盤嘅垃圾！建築垃圾中嘅有害物質同埋化學物質有機會溶解到地下水和水體中，從而對當地生態環境造成好大嘅影響！
雖然清理建築垃圾十分麻煩，但係地盤喺完成建築工程後喺應該要妥善處理好工程垃圾嘅，同時我哋都希望政府可以增設可以處理建築垃圾嘅垃圾站，方便地盤清理建築垃圾。「山野無痕」並唔係一朝一夕可以達成嘅事，但相信喺社會各界嘅努力下，未來一定可以實現呢個目標嘅！
-------------------------------------------------------------------------------------------------------
#綠色希望 #greenhopehk #FTLife#富通保險 #小瀝源#梅花古道#山野清潔 #環保行動 #可持續發展 #攜手合作 #環保先鋒 #清潔行動 #減廢生活 #自然保護 #綠色行動 #CSR #企業社會責任
Comments