如果你唔係關注環保或者大自然愛好者，都會好奇點解香港有個地方叫垃圾灣咁奇怪🧐但係如果有一個海灣真係堆積左好多海洋垃圾，即使已經不時有團體去進行清潔，仍然因為地理結構、潮汐同風向等因素，而持續有漂浮垃圾沖返上岸造成垃圾堆積🗑️咁樣唔叫垃圾灣仲可以叫咩呢？
今次有幸同 @colliershk_ylc 入面17位好有活力嘅員工，一齊行入鶴咀垃圾灣進行山徑 + 海岸清潔🧹我哋總共清走咗80.67公斤嘅垃圾，當中不乏唔少發泡膠同埋捕魚用具🎣
除咗垃圾灣灘上嘅垃圾之外，我哋更加發現到有大量嘅發泡膠塊喺好耐以前已經堆積咗係落去石灘路段嘅旁邊😩發泡膠塊可能係因為過去嘅颱風或者潮汐關係被帶到去山坡上面、之後又有唔同嘅植物再喺上面生長，令到我哋嘅清潔難度都大大增加🥲
再次多謝Colliers嘅同事將活力帶到嚟大自然，為我哋嘅環境出一分力。希望有更加多企業都可以將呢份熱誠帶俾你哋嘅員工，除咗喺工作上專業拼搏以外，都會比更加多員工為社會同埋環境作出貢獻💚
-------------------------------------------------------------------------------------------------------
#綠色希望 #greenhopehk #Colliers #鶴嘴垃圾灣 #沙灘清潔 #山野清潔 #環保行動 #可持續發展 #攜手合作 #環保先鋒 #清潔行動 #減廢生活 #自然保護 #綠色行動 #CSR #企業社會責任
Comments