多謝 Amino 義工隊加入，我哋今次一齊去到靠近金山郊野公園嘅石籬，一齊清理咗 36.8kg 嘅垃圾🧹 仲幫一條河流兩旁清理乾淨，減少垃圾污染河道嘅機會。收集到嘅垃圾當中，除咗有唔少係食物包裝同埋行山成日見到嘅膠袋、紙巾之外，今次仲喺河邊草叢入面執到一個生晒鏽，用嚟泵氦氣球嘅氣罐...
石籬位於金山郊野公園嘅綠化地帶，由馬路行10分鐘左右就已經進入郊野公園範圍。有呢啲綠化帶作為城市與郊野嘅緩衝，唔單止可以俾我哋同動物一個共同休憩嘅場所，山上大小嘅休憩康樂設施仲可以為我哋屋企附近嘅居民建立社區文化！💚🏞️
可惜政府近年建議先後收回多個寮屋村發展公營房屋，包括今次我哋進行山野清潔嘅石梨坑村綠化地帶亦喺七月嘅時候通過改劃程序以建造公營房屋。喺不久嘅將來，當地嘅人同埋動物都可能要被逼遷離家園... 😔
再次俾啲掌聲 Amino 義工隊咁落力幫手瞓身清潔，我哋都期待將來繼續同大家合作，保持優美嘅山野環境！🙌🌍💚
Opmerkingen