是次金山郊野公園之行執到嘅垃圾共重…… 52.92公斤
獲得如此佳績，首先就一定唔少得我哋當中力氣擔當嘅猛男嘅努力喇，更甚者，各位參加者對環保嘅熱情❤️🔥已經遠遠超過咗琴日火辣辣嘅太陽
不過我哋同時發現：某啲遊客係會將一包包嘅糖餵俾馬騮！（特別係喺金山入口涼亭嗰度，我哋收集到超級超級多嘅糖紙）
如果唔再停止呢種餵飼馬騮嘅行為，就只會令到更多更多馬騮依賴遊客帶嚟嘅食物。直到最後，馬騮會失去自行覓食嘅本能，無法獨自生存！
另外，無論有幾多隊山野清潔隊上山，馬騮山都只會係一座垃圾山。所以我哋奉勸大家，真係千祈唔好因為覺得馬騮無野食，就亂咁餵佢哋呀！
計埋我哋過往嘅活動，山野清潔系列已經為香港減少550公斤垃圾我哋期待喺下次嘅執垃圾行動當中會再次見到你哋！
Comments