材質：發泡膠
香港有唔少新鮮蔬果都係由大陸入口，而呢一款發泡膠箱就係最常見運輸蔬果嘅工具。每日就有大約12萬個發泡膠箱輸入香港。唔知大家仲記唔記得，疫情期間曾經有段時間，呢啲用嚟運送蔬菜嘅發泡膠箱喺香港堆積為患。事實上平時蔬菜輸入香港之後，發泡膠箱會運返大陸菜場再次盛載蔬菜到港，又或者送去回收場熔製膠粒，循環再造。但當時由於疫情嚴峻，大陸禁止發泡膠箱入境，以致發泡膠箱嘅回收鏈中斷。唔知呢個發泡膠箱，又係咪因為咁而流落喺度呢?
-------------------------------------------------------------------------------------------------------
Comments