繼上次參觀O Park 之後，我哋喺上個月17號再帶大家嚟到位於屯門曾咀、新界西堆填區隔離嘅T · PARK！T · PARK [源 · 區] 是一所污泥處理設施。污泥即係污水處理廠處理污水後嘅所產生的殘餘物。現時T · PARK負責處理香港超過九成由污水處理廠產生嘅污泥。除此以外，T · PARK仲係一所獨一無二、自給自足、結合先進科技於休閒、教育和自然生態項目的綜合設施。
首先，我哋要多謝當日導賞員好仔細嘅講解，其次要多謝超過30位嘅參加者參加今次活動。喺今次活動入面，參加者認識到T · PARK點樣用流化床技術焚燒污泥。焚燒污泥除左減少污泥體積，同時仲可以發電。現時T · PARK 除了在電力同水方面可以自給自足外，仲可以向外界輸出電力。另外，參加者亦都體驗咗T · PARK內設嘅源泉水療設施。今次活動除咗令參加者可以認識到處理污泥嘅知識之外，又可以令大家喺繁忙嘅生活中放鬆一下，可以話係一舉兩得啊！
最後，我哋想同大家介紹下，T · PARK隔離嘅新界西堆填區。政府喺2021年預計堆填區在2026年飽和，雖然堆填區喺2023年開始擴建，但點擴建都好，堆填區總會有飽和嘅一日，所以我哋希望大家可以喺日常生活中做好源頭減廢，減少日常生活垃圾，只要我哋每人做少少嘢，就可以為香港帶來好大嘅變化！如果我哋再唔改變，即使堆填區點擴建，都無可能滿足到香港人嘅需要！
-----------------------------------------------------------------------------------------------------
Comments