承蒙新世界發展義工隊同埋宏利 Sustainability Hub 信任，我哋分別喺4月15日同埋5月5日去咗三門仔同馬屎洲進行山野清潔，同我哋一齊幫呢個香港其中一個最古老嘅地質公園進行清潔活動。
馬屎洲位於赤門海峽，早於2億8千萬年前二疊紀 已經形成，係全港最古老嘅島嶼之一，因為島內地貌獨特，被列為香港地質公園嘅「赤門景區」。
適逢四月清明節，而三門仔有大量原住民墓地，沿路都有好多垃圾，不乏未有綁好散落一地嘅膠樽同食物，唔止會吸引其他野生動物 嚟覓食導致誤食其他垃圾，亦會滋生蚊蟲！事實亦証明我哋同宏利 Sustainability Hub 進行清潔嘅時候，先前清理嘅垃圾黑點位置有大量蚊蟲出沒
雖然三門仔平時亦有清潔工人清潔，但亦難以應付因節日倍增嘅垃圾，所以我哋經過都幫手清理咗部分垃圾以免繼續污染環境，分別清理咗83.8公斤同埋34.8公斤嘅垃圾
都想喺度呼籲一下，大家上山掃墓都要自己垃圾自己帶走，留返一個乾淨嘅環境俾先人同其他山野使用者
Comments